Ǵalymdar mıdyń molekýlalyq modelin jasaýdy qolǵa aldy
ASTANA. QazAqparat - Álemniń jetekshi ýnıversıtetteri 10 jyldyń ishinde adam mıynyń molekýlalyq modelin jasap shyǵarý úshin birige bastady. Brainome dep atalatyn joba adamnyń oılaý júıesimen jumys isteıtin kompıýter jasaýǵa múmkindik beredi, dep habarlaıdy ITAR-TASS.
Atalǵan joba aıasynda birigip jumys isteý úshin álem boıynsha 80 ýnıversıtet jumyldyrylyp otyr. Ondaǵy maqsat - mıdyń jumysyn tolyq túsiný úshin jasandy jolmen onyń qurylymyn jasaýdy kózdeıdi.
«Adam mıynyń jumysyn tolyq sheshý kezinde eń basty qurylymdyq-qyzmettik birlik bolyp tabylatyn erekshe jasaýsha - neıronǵa deıin zertteledi. Nátıjesinde ǵalymdar kompıýter júıesiniń kómegimen birinshi bolyp adam mıynyń tolyq balamasyn jasaı alady», - deıdi joba jetekshileri.
Keıbir mamandardyń pikirinshe, Brainome jobasy revolıýtsııalyq kompıýterlik tehnologııanyń negizin qalaýǵa múmkindik beredi. Ondaı kompıýterler adam mıynyń balamaly prıntsıpteri boıynsha jumys isteıtin bolady.
Qazir jobada Eýroodaq, AQSh, Qytaı jáne Japonııanyń 22 ýnıversıteti jumys istep jatyr.
