Ǵalymdar: Mıdyń qartaıýy 43 jastan bastalady
ASTANA. QazAqparat - Adamnyń mıy 43 jastan bastap qartaıady. Kezekti zertteýiniń barysynda ǵalymdar osyndaı toqtamǵa keldi. Adamnyń oılaý qabileti qart kezinde emes, dál osy shaqta tómendeı bastaıtynyn anyqtaldy.
Tájirıbeni ótkizý úshin 40-70 jas aralyǵyndaǵy 7 myń erikti azamat shaqyryldy. Olar saýalnama paraǵynyń suraqtaryna jaýap berip, bas mıynyń zertteýinen ótken. Onyń qorytyndysynda adamnyń aqyl-oı qabileti 43 jasta tómendeı bastaıtyny anyqtalǵan. 45 jasqa kelgen qatysýshylardyń 60 paıyzy aqparatty jarym-jartylaı umyta bastasa, 50 jastaǵylar úshin ózderi sóılesken adammen áńgimeniń mánin uǵyný qıyn boldy. Bul rette er adamdar áıelderden góri bas mıynyń belsendiligin tezirek ári erterek joǵaltady eken, dep habarlaıdy Svopi portalynan.
Mamandar muny áıelderdiń jaýapkershiliginiń joǵarylyǵymen, mı jumysynyń belsendiligin tómendetýge jol bermeıtin qyzmetiniń kóp bolýymen baılanysty ekendigimen túsindirdi.
