Ǵalymdar: Meıirimdi jandarǵa qaraǵanda yzaqor adamdardyń mıynyń kólemi kishkene bolady
ASTANA. QazAqparat - Birqatar zertteýler men eksperımentter júrgizgen neırofızıolog mamandar yzaqor adamdardyń mı kólemi meıirimdi jandarǵa qaraǵanda edáýir kishkentaı bolatynyn anyqtady, dep jazady planet-today.ru.
Biregeı tájirıbege úsh júz erikti qatysty. Olardyń jartysy jan-jaǵyndaǵy adamdarǵa meıirimdilikpen qarasa, qalǵan bóligi yzaly, ópkeli, ashýshań minez-qulyq ıesi bolǵan.
Zertteý barysynda meıirimdi adamdardyń mıy ashýshań adamdarǵa qaraǵanda úlkenirek ekeni anyqtaldy, sondyqtan eksperıment avtorlary mıy kishirek adamdardyń tabıǵatynan minez-qulqy ashýshań bolady, olardy bul úshin kinálaý orynsyz degen tujyrymǵa keldi.
Avtorlardyń tujyrymymen barlyq mamandar kelise qoımady, kópshiligi zertteýge az adam qatysqanyn, alynǵan nátıje dáıekti dálel bola almaıtynyna senimdi.
