Ǵalymdar: Medıtatsııa sportpen aınalysýǵa járdemdesedi
ASTANA. QazAqparat - Medıtatsııamen aınalysý jasóspirimderge durys tamaqtanýǵa jáne sportpen aınalysýǵa járdemdesedi. Amerıkalyq zertteýshiler semizdikpen kúres ádisin jasap shyǵarý úshin 40 jasóspirimdi zertteýge qatystyrdy.
Zertteýshiler toǵyzynshy synyp oqýshylarynyń fızıkalyq belsendiligi, tamaqtanýy deńgeıin zerdeledi. Eriktilerdiń basym bóliginde artyq salmaq bolyp, durys tamaqtanbaǵan.
Qatysýshylar 12 apta sabaqqa qatysty, dep jazdy Rosbalt. Jasóspirimder dıafragma qozǵalysyna beıimdelip, demalýdy úırendi. Bulaı tynys alý adamnyń óz denesine kóp kóńil bólýine múmkindik beredi.
Budan basqa, eriktilerdiń shokolad dámi men toqtyqty sezinýine nazar aýdaryldy. Olarǵa emotsııa taǵamdy kóp jeýge ıtermeleıtini aıtyldy. Sondaı-aq qatysýshylar qozǵalystaryn, onyń ishinde qadam ólsheýishpen qımyldaryn baqylady. Ǵalymdar qorytyndyny sabaq aıaqtalǵannan soń, úsh aıdan keıin baǵalady.
