Ǵalymdar: Maıly taǵam adam psıhıkasyna keri áser etedi
ASTANA. QazAqparat - Maıly taǵam adam psıhıkasyna keri áser etedi. Bul týraly Biological Psychiatry jýrnaly jazady.
MedikForum portaly jazǵandaı, ǵalymdar zertteý júrgizgende bir top tyshqandy durys tamaqtandyrsa, ekinshisine maıly taǵam bergen. Keıin ekinshi toptaǵy kemirýshilerdiń as qorytý júıesinen mıkrofloralary alynyp, birinshi toptaǵy tyshqandarǵa engizilgen.
Budan keıin durys tamaqtanǵan kemirýshilerdiń psıhıkasynda ózgerister baıqaldy. Olarda agressııa, este saqtaý qabiletiniń tómendeýi jáne alańdaýshylyq deńgeıiniń artqany baıqalǵan.
Zertteýshilerdiń paıymynsha, bul maıly taǵam ımmýndyq júıege jaýap beretin as qorytý júıesiniń mıkroflorasyna áser etetinin aıǵaqtaıdy. Osylaısha psıhıkaǵa qysym kórsetedi.
