Ǵalymdar maskúnemdikke qarsy vaktsına oılap tapty
ASTANA. 2 aqpan. QazAqparat - Ǵalymdar maskúnemdikke qarsy vaktsına oılap tapty. Bul jaıynda Daily Mail habar taratty.
muslim.kz saıtynyń jazýynsha, ǵalymdar vaktsınanyń 6 aıdan 12 aıǵa deıin áser etetinin aıtyp otyr. Vaktsına egilgen adamnyń ishimdikke ańsary aýmaıtyn kórinedi. Eger tatyp alatyn bolsa, qatty qınalyp, azap shegetinin de jasyrmady ǵalymdar.
Munyń sebebi - vaktsına ishimdikti qorytatyn baýyr fermentteriniń qyzmetin toqtatyp tastaıdy. Vaktsınanyń áserin joıatyn dári-dármek joq bolǵandyqtan vaktsına egilgen adam araq ataýlyny aýzyna almaýy kerek.
Chılılik ǵalymdardyń málimdeýinshe, jýyq arada vaktsına tyshqandarǵa egilip, synaqtan ótedi. Al qarasha aıynda eriktilerge egip kórmek.
Mundaı oı chılılik ǵalymdardyń basyna Azııa turǵyndarynyń spırtke degen reaktsııasyn zerdelegennen keıin kelgen. Ǵalymdar Azııa turǵyndarynyń aǵzasynda ishimdiktiń ýytyn qorytatyn genniń joqtyǵyna kóz jetkizgen. Qytaıdyń, Koreıanyń jáne Japonııanyń árbir besinshi turǵyny ishimdik ishe almaıtyn kórinedi.
