Ǵalymdar Marsta muhıt bolǵanyn dáleldedi
ASTANA. 23 qyrkúıek. QazAqparat - Marsta ómir bolǵany týraly máselemen zertteýshiler kóp jyldardan beri bas qatyryp júr.
Olardyń barlyǵy da qyzyl ǵalamsharda sý bolǵan bolsa, onda ómir bolǵan degen ortaq pikirde. Bul týraly EýroSMI gazeti habarlady.
Illınoıs Soltústik ýnıversıtetiniń zertteýshileri NASA-nyń ǵarysh apparattary túsirgen málimetter negizinde Mars bederiniń kompıýterlik modelin jasap shyqty. Onyń nátıjesi tańǵalarlyq boldy, óıtkeni buryn Marsta muhıt bolǵanǵa uqsaıdy.
Astronomdar qyzyl ǵalamshardyń soltústik jartysharynda ańǵarlardyń bolýy sý aǵyndarynyń áserinen ekendigine senimdi. Bul mıllıardtaǵan jyldar buryn osy aýmaqta muhıt bolǵanyn bildiredi.
Endi NASA ǵalymdary muhıttyń joǵalý sebepterin anyqtaý úshin zertteýlerin jalǵastyrmaq.
