Ǵalymdar malaızııalyq Boeing-tyń qulaýynan bolǵan shýdy tirkedi
ASTANA. QazAqparat - Arnaıy sýasty quraldary osy jyldyń naýryz aıynda joǵalǵan malaızııalyq Boeing-tiń qulaýynan bolýy múmkin shýdy tirkegen, dep habarlady Day.Az RT-ǵa silteme jasaǵan.
RIA Novostı habarlaǵandaı, Avstralııanyń Pert qalasy Curtin University ýnıversıtetiniń ǵalymdary sýasty sıgnaldary, sonyń ishinde bolýy múmkin sýasty jarylystaryn baqylaýǵa arnalǵan quraldardyń málimetterin paıdalanǵan. «Birneshe qurylǵydan bir sıgnaldyń apatqa qatysy bolýy múmkin», - dep málimdedi ýnıversıtet ókili Alek Dýnkan.
Ǵalymdardyń málimetteri boıynsha, dybystyń derekkózi naýryz aıynda jazý kezinde Úndi muhıtyndaǵy laınerdi izdeý aýdanynan birneshe myńdaǵan shaqyrym jerde bolǵan. Jáne ony naqty anyqtaý múmkin bolmaı otyr. Dýnkannyń aıtýynsha, bul «tabıǵı qubylys» bolýy ábden múmkin.
