Ǵalymdar London ortalyǵynda tabylǵan 11 kelilik mýtant egeýquıryqtyń qupııasyn ashty
ASTANA. QazAqparat- Zertteýshilerdiń pikirinshe, alpaýyt egeýquıryq bireýdiń úı janýary bolýy múmkin.
Zertteýshilerdiń aıtýynsha, tabylǵan egeýquıryq Gambııalyq qaltaly egeýquıryq bolýy múmkin, sońǵy ýaqytta bulardy jıi úıde asyrap ustaıdy. Sebebi olar «barynsha súıkimdi». Sondyqtan da sarapshylar ol asyrandy egeýquıryq bolýy múmkin ekenin aıtty, dep The Sun gazetinen úzindi keltiredi Ren-TV.
Ǵalymdar qaltaly egeýquıryqtar óte aqyldy bolatynyn, olardy ońtústik afrıkalyq Mozambık elinde mına izdeýge paıdalanatynyn málimdedi.
«Bular óte aqyldy keledi, olardy kóbine qarǵybaýmen ustap júredi», - dedi Haddersfıld ýnıversıtetiniń doktory Dýgı Klark
Budan buryn egeýquıryqty tapqan jumysshy fotony jarııalaǵanda, oǵan eshkim senbeı, montaj, qııal dedi. Alaıda ǵalym Olıver O'Braıen ony rastady.
Zertteýshiniń aıtýynsha, ol buryn aıtylǵannan sál kishirek. Alaıda kólemi onsha kishkentaı emes.
Eske salsaq, uzyndyǵy 1,2 metr, salmaǵy 11 keli alpaýyt tyshqandy gaz ınjeneri Tonı Smıt taýyp alǵan bolatyn.
