Ǵalymdar «Qus jolynyń» eń naqty ári eń úlken kartasyn jasap shyqty
ASTANA. QazAqparat - Maksa Planka atyndaǵy nemis ınstıtýtynyń bir top astronomdary Qus jolyndaǵy juldyzdardyń paıda bolý kartasyn jasap shyqty, olardyń pikirinshe bul karta galaktıkanyń ulǵaıyp bara jatqandyǵyn kórsetedi, dep habarlaıdy Bı-Bı-Sı agenttigi.
Kartany jasaý kezinde ǵalymdar 70 myńǵa jýyq juldyzdyń jasyn anyqtap, zerdelegen.
Bul úshin juldyzdardyń sýretteri paıdalanylyp, olardyń túsine qaraı jastary eseptelip shyǵarylǵan. Zertteý úshin ár juldyzdyń eki teleskoptan túsirilgen sýreti alynǵan.
Budan keıin ǵalamshardyń ulǵaıý kestesi jasalyp, sol arqyly Qus jolynyń ortalyǵynda kóne juldyzdar toptasqany al, shetine qaraı jas juldyzdardyń ornalasqany anyqtaldy.
Amerıka astronomdary qaýymdastyǵynyń 227-shi konferentsııasynda jasalǵan baıandamadaǵy karta Qus jolynyń eń úlken ázirge eń naqty kartasy bolyp otyr.
