Ǵalymdar qupııasyn búgip jatqan kól muzyn jara almady
ASTANA. 28 jeltoqsan. QazAqparat - Brıtan ǵalymdary Antarktıdaǵa saıahat jasap, sondaǵy mıllıon jyldan beri qupııasy ashylmaǵan kóldi burǵylap kórdi.
Biraq nátıje shyqqan joq, dep habarlaıdy BAQ.KZ.
Bul jobanyń quny 13 mln. dollardy qurady. Áıtse de, 300 metr qalyńdyqty quraıtyn muzdy qandaı ádiske salsa da, oıa almady. Tipti, ystyq sý quıyp, sorǵyshpen muzdyń ishine úrlegenmen, kóldiń túbine jete alǵan joq. Ǵalymdar munda 22 qarashada barǵan. Al, burǵylaýdy 13 jeltoqsannan bastapty. Áıtse de, sý jylytatyn qurylǵylary isten shyǵyp, jańa qurylǵy jabdyqtary kelgenshe jumys toqtap qalǵan.
Brıtan ǵalymdarynyń qolynan kelmegen dúnıeni orystar jyl basynda-aq qolǵa alǵan edi. Jyldyń basynda, ıaǵnı aqpan aıynda orys ǵalymdary Shyǵys Antarktıdadaǵy eki kóldi burǵylap, nátıjeli jumys atqardy. Áıtse de, qalyń muz astynda jatqan teńiz tamshysyn alǵanmen, odan eshqandaı tirshiliktiń nyshandary baıqalmaǵan. Endigi rette, 2013-1014 jyldary tolyqqandy kirisýdi qolǵa alyp otyr.
