Ǵalymdar: Kúnine bir ýys jańǵaq tutynǵan adamnyń ómir jasy uzarady
ASTANA. QazAqparat - Maastrıht ýnıversıtetiniń ǵalymdary bir ýys orman jańǵaǵy men jerjańǵaq adamdy erte ólimnen saqtaıdy degen tujyrymǵa keldi, dep habarlady Bı-bı-sı.
Gollandııadyq Maastrıht ýnıversıtetiniń ǵalymdary 10 jyl zertteý júrgizgen. Oǵan 55-69 jas aralyǵyndaǵy 120 myń adam qatysqan.
Zertteý jańǵaq tutyný men júrek-qan tamyrlary aýrýlary arasynda baılanys baryn anyqtady. Aldymen zertteýshiler jańǵaqtyń belgili bir túri men bir aýrýdyń arasyndaǵy baılanysty anyqtaǵan.
Maastrıht zertteýshileri kúnine 10 g orman jańǵaǵy nemese jerjańǵaq jegen adamdardyń 20 paıyzy erte ólim táýekelin tómendetetinin anyqtady.
Áńgime tek jańǵaq jaıynda, jerjańǵaq maıy quramynda tuzdyń jáne sýtektendirilgen maıdyń bolýynan paıdaly ónimder tiziminen alynyp tastalǵan.
Jańǵaqtarda mono-qanyqpaǵan jáne polı-qanyqpaǵan maıly qyshqyldar, túrli dárýmender, ózek, antıoksıdant, basqa da bıologııalyq belsendi qosylystar bar.
Onjyldyq zertteý nátıjeleri jańǵaq tutynǵan adamdarda oryn alatyn obyr, sýsamyr, respıratorlyq aýrýlar, sýtektendirilgen júıke júıesi aýrýlarynyń aldyn alyp, erte ólimnen saqtaıtynyn kórsetti.
Zertteý basshysy professor van der Brandt «Kúnine nebári 15 g jańǵaq jeý ólim táýekelin tómendetetini tańǵalarlyq jaǵdaı», - dedi.
