Ǵalymdar: Kúnine bir alma jeý kárilikti baıaýlatýǵa kómektesedi
ASTANA. QazAqparat - Kárilik pen bulshyqetterdiń kemýi protsesin baıaýlatý úshin kúnine bir alma jeý jetkilikti, dep qorytyndy jasady Aıova shtaty ýnıversıtetiniń (AQSh) mamandary.
Bul týraly vokrugsveta.ru jazady.
Aıova shtaty ýnıversıtetiniń ǵalymdary qyzyqty jańalyq ashty. Olar bulshyq etterdiń kemýine sebep bolatyn aqýyzdy anyqtady - bul protsess ásirese egde jasta tez júredi. ATF4 dep atalatyn aqýyz bulshyq et tininiń damýyn retteıtin genniń belsendiligine jaýap beredi. Aǵzadaǵy ATF4 aqýyzynyń tym artyq bolýy aǵzadaǵy bulshyq et tininiń kólemin qysqartady.
Tyshqandarǵa jasalǵan zertteý ATF4 aqýyzy sanynyń qysqarýy qartaıýdyń keri faktorlaryna qarsy turýǵa kómektesetinin kórsetti. Bulshyq et tonýsyn saqtap turýdyń eń qarapaıym ádisi - alma qabyǵynda óte kóp ýrsol qyshqylyn qabyldaý. Týra osyndaı tıimdi áserdi quramynda tomatıdın qospasy bar tomattar da beredi. Olar bulshyq et ósimine jol berip, olardyń kúshi men tózimdiligin arttyrady. Ǵalymdardyń málimetterinshe, bulshyq etterdiń kárilikke qarsylasýy úshin kúnine bir alma nemese jasyl qyzanaq jeý jetkilikti.
«Tyshqandarǵa jasaǵan tájirıbelerimiz kemirgishter bulshyq etteriniń massasynyń eki aıdyń ishinde 10 paıyzǵa, al bulshyq etter kúshiniń - 30 paıyzǵa ósimin kórsetti. Ol úshin olardyń ratsıonyna 0,27 ýrsol qyshqylyn jáne 0,05 paıyz tomatıdındi qosý kerek», - dep málimdedi zertteýdiń jetekshi avtory, Aıova ýnıversıtetindegi medıtsına professory Krıstofer Adams.
