Ǵalymdar: Kúndelikti tutynyp júrgen keı sýsyndar sýsaqqa shaldyqtyrady
ASTANA. QazAqparat - Izraıldegi Veıtsman atyndaǵy ǵylymı-zertteý ınstıtýtynyń zertteýshileri dıetalyq sýsyndardyń quramyndaǵy az kalorııalyq táttilendirgishtiń salmaqtyń artýy men sýsaqtyń (qant dıabetiniń) týýyna sebepker bolatynyn málimdedi, dep habarlady Day.Az FederalPost-qa silteme jasap.
Brıtanııalyq Daily Mail basylymy habarlaǵandaı, qantty almastyrǵysh zattar janýarlarda sýsaqtyń alǵashqy belgileriniń týdyrǵanyn baıqap, zertteýshiler tájirıbeniń ekinshi kezeńin adamdardyń qatysýymen jasaǵan. Olar jasandy táttilendirgishti paıdalanǵan 400 adamdy zerttep, olardyń organızminde ózgeris bolǵanyn ańǵarǵan. Bul adamdardyń salmaǵy artyp, glıýkozaǵa tózimdiliginiń buzylǵanyn baıqaǵan.
Izraıldik áriptesteriniń zertteý nátıjelerimen tanysqan brıtanııalyq ǵalymdar bul nátıjege muqııat qaraýǵa shaqyryp, eń paıdaly sýsyn sý ekenin atap ótti.
