Ǵalymdar: Kúndelikti ratsıondaǵy ózgerister áıeldi sút beziniń obyrynan qorǵaıdy
ASTANA. QazAqparat - AQSh ǵalymdary kúndelikti ratsıon kúlli álem boıynsha kóptegen áıelderde kezdesetin sút bezi obyrynyń aldyn alýda mańyzy zor dep sanaıdy.
Júz myńdaǵan áıelderdi kópjyldyq baqylaý nátıjesinde onkologtar kúnde ósimdik taǵamyn tutynatyn áıelder obyrǵa 25 paıyzǵa sırek shaldyǵatynyn anyqtady.
Zertteýshiler bul faktini kókónister men jemisterdiń quramyndaǵy estrogen garmonynyń sińimdiligine kedergi keltiretin erekshe talshyqtarmen túsindiredi. Áıel aǵzasynda onyń joǵary bolýy sút bezi obyrynyń týyndaýyna yqpal etedi.
Obyrdyń aldyn alýdy bala kezden bastaý qajet, deıdi dıetologtarǵa ún qosqan onkologtar.
Bala dıetasyna kókónister men jemisterdiń qajetti mólsheri ýaqtyly engizilse, eseıgen shyǵynda onkologııalyq aýrýǵa shaldyǵý yqtımaldyǵy tómendeıdi. Budan basqa, ósimdik ónimderine baı ratsıon aǵza qyzmetiniń álsireýin baıaýlatady.
