Ǵalymdar: Kún sáýlesi qan qysymyn tómendetedi
ASTANA. 20 qańtar. QazAqparat - Ulybrıtanııadaǵy Edınbýrg jáne Saýtgempton ýnıversıtetteriniń mamandary tájirıbe júzinde kúnge qyzdyrynýdyń qan qysymyn tómendetetindigin dáleldedi,
dep habarlaıdy ITAR-TASS NBC telekompanııasyna silteme jasap.
Ǵalymdar kún sáýlesiniń oń áserinen adamnyń qan aınalymyna áser etetin azot oksıdi artady degen uıǵarymǵa keldi. Olardyń pikirinshe, alynǵan nátıjeler soltústiktegi elderdiń turǵyndarynyń júrek syrqattarynan nelikten jıi qaıtys bolatyndyqtaryn uǵyndyrýǵa múmkindik beredi.
«Biz teri obyrynan ólim-jitimge ushyraý qaýpin azaıtý maqsatynda beriletin usynystardyń keri jaǵy da bar, olar keńinen taralǵan júrek-qan tamyry aýrýlary men ınsýltterden adam óliminiń artýyna sebep bolady dep qaýiptenemiz. Sebebi, bul qaǵıda «kún sáýlesi adamnyń júrek-qan tamyry dertterine shaldyǵýyn azaıtady» degen epıdemıologııalyq málimetterge qarama-qaıshy keledi», - deıdi ǵalymdar. Zertteýshilerdiń synaǵyna qatysqan eriktiler Eýropanyń ońtústiginde tús mezgilinde jarty saǵattan kúnge qyzdyrynǵan. Tájirıbeden taza nátıje alý úshin olar shamadan tys kúnge kúıýden saqtanǵan.
