Ǵalymdar: qumyrsqalardyń keıbir túrleri ekologııaǵa qaýipti
ASTANA. 15 tamyz. QazAqparat - Qumyrsqalardyń keıbir jaýlaýshy túrleri barsha álem boıynsha ekologııaǵa qaýipti qater týdyrýda. Bul týraly ıspandyq Katalonııadaǵy Jırona ýnıversıteti ǵalymdarynyń jańa zertteýinde aıtylǵan, dep jazady VVS.
Ǵalymdar adamdar meken etetin keıbir óńirlerge kemeler men ushaqtar arqyly ádeıi emes ákelingen 750-den astam qumyrsqanyń túrin sanap shyqty.
Bulardyń kóbi tutas otarlar quryp, jergilikti qumyrsqalardyń túrin yǵystyryp shyǵarǵan.
Qazirgi kezde AQSh-ta «jyndy» qumyrsqa degen ataýǵa ıe bolǵan, ıaǵnı Ońtústik Amerıkadan jetkizilgen osy jándikter problemaǵa aınalýda. Olar jappaı qurylǵylardyń ishine enip, elektr jabdyqtardy isten shyǵaratyn kórinedi.
