Ǵalymdar krossovkamen júgirýdiń zııandyǵy týraly eskertti
ASTANA. QazAqparat - Avstralııalyq ǵalymdar júgirý kezinde arnaıy sporttyq aıaq kıim tabanǵa teris áser etedi degen toqtamǵa keldi. Bul týraly Journal of the Royal Society Interface jýrnalynda jazyldy.
Kvınslend ýnıversıtetiniń ǵalymdary tájirıbege qatysý úshin jeti qyz-kelinshekti (ortasha jasy 19) jáne toǵyz er adamdy (ortasha jasy 24) shaqyrdy. Olardyń barlyǵy júgirýmen shuǵyldanǵan, biraq kásibı sportshy emes.
Qatysýshylar tredmıla boıynsha terige bekitilgen qysymdy, bulshyq etterdiń elektr-amgnıttik sıgnaldaryn ólsheıtin jabdyqpen bir márte jalańaıaq, ekinshi joly sporttyq aıaq kıimmen júgirdi.
Krossovkı kıip júgirý ókshesi 30 mm bolǵandyqtan tabannyń ishki bulshyqetteriniń belsendiligin arttyrady, ári mólsherden tys kúsh túsiredi.
Osylaısha, sporttyq aıaq kıim 40 jyl jetildirilip kelgenine qaramastan tabannyń bıomehanıkasyn buzatyny anyqtaldy.
