Ǵalymdar Qoja Ahmet ıAsaýı kesenesinde zertteý jumystaryn júrgizip jatyr
QR Mádenıet jáne sport mınıstrliginiń uıymdastyrýymen qolǵa alynǵan sharalar kesene kúmbeziniń tehnıkalyq jaǵdaıyn saraptaýdan ótkizip, nysannyń qurylys jaǵdaıyna baqylaý júrgizý bolmaq, dep habarlaıdy QazAqparat tilshisi.
Ǵalymdar sonymen qatar keseneniń múmkindiginshe taza qalpynda saqtalýynyń joldaryn qarastyrmaq. Búginde atalǵan ınstıtýt ǵalymdary men arnaıy mamandardan quralǵan sarapshylar toby kesene irgetasynan bastap kúmbezge deıin saraptaý jumystaryn júrgizip jatyr.
«Ǵalymdar men mamandar Qoja Ahmet ıAsaýı kesenesiniń qurylys materıaldarynyń jaramdylyǵy men tózimdiligin, túrli ishki jáne syrtqy áserlerdiń saldarynan kelgen zııandy jáne jumys júrgizilýi tıis aımaqtardy anyqtap, óz usynystaryn daıarlaıdy. Ázirge anyqtalǵany keseneniń irgetasy berik, óz qalpyn myqty saqtap tur. Bul baǵytta júrgizilgen restavratsııa jumystary da óziniń oń nátıjesin bergen. Al, qurylys ǵımaratynyń qabyrǵalary men túrli bólikteriniń seısmıkaǵa, ózge de jaǵdaılarǵa tózimdiligin arnaıy qurylǵylar arqyly anyqtaý ústindemiz. Alynǵan taldamaýlardyń naqty sheshimi Almaty qalasyndaǵy ortalyqta ǵalymdardyń basqosýynan keıin qabyldanyp, nátıjesi belgili bolady. Keseneniń qurylys tózimdiligi týraly qazir aıtý erte»,- deıdi Qazaq qurylys jáne sáýlet ǵylymı-zertteý ınstıtýtynyń ókili Syrymbek Erjanov.
Aıta keteıik, sońǵy kezde Qoja Ahmet ıAsaýı kesenesin kútip-saqtaýǵa baǵytynda túrli sharalar atqarylyp keledi. Byltyrǵy jyly ıÝNESKO Halyqaralyq uıymynyń mamandary da keseneniń qurylys jaǵdaıyna taldaý júrgizgen bolatyn. Bıyl da álem murajaılarynda myńnan astam tarıhı jáne mádenı, ejelgi qoldanbaly óner eskertkishteri qalpyna keltirilgeni belgili. Al, «Qazqaıtajańartý» kásipornynyń dırektory Qanat Tuıaqbaev bul jumystar áli de jalǵasa beretinin aıtady. Aldaǵy ýaqytta kesenege zııandy áser beretin jer terbelisi, túrli silkinisterdiń kórsetkishin baqylaıtyn qurylǵylar Qazaq qurylys jáne sáýlet ǵylymı-zertteý jáne jobalaý ınstıtýty arqyly da baqylanatyn bolady.
