Ǵalymdar koronavırýstyń 100% aýa arqyly taralatynyn dáleldedi
NUR-SULTAN. QazAqparat – Qytaıda avtobýstardyń birinde júrgizilgen jańa ǵylymı zertteý COVID-19 jeldetilmeıtin ortada eshqandaı aýrý belgileri joq naýqas adamnan aýa arqyly taralýy múmkin degen epıdemıologtardyń pikirin rastady. Bul týraly QazAqparat Le Monde frantsýz basylymyna silteme jasap habarlaıdy.
Aýrý belgileri jáne qorǵanysh maskasy joq COVID-19 juqtyrǵan adam bir saǵatqa jýyq ýaqytqa sozylǵan sapar kezinde nashar jeldetiletin avtobýstaǵy jolaýshylardyń úshten birine vırýs juqtyrdy. Ǵalymdar koronavırýs juqtyrý radıýsy buryn oılaǵannan áldeqaıda úlken ekenin dáleldedi. COVID-19 avtobýs salonynyń aldyńǵy jáne artqy jaǵyndaǵy jolaýshylardan tabyldy.
Epıdemıologtar buǵan deıin koronavırýs juqtyrǵan adamdar túshkirgende nemese jótelgende tamshylar arqyly juqtyrady dep málimdegen edi. Sondyqtan daǵdarys bastalǵan kezde aýa arqyly taralýy múmkin degen boljamdy búkil álemniń densaýlyq saqtaý organdary nazardan tys qaldyrdy. Alaıda kóptegen mamandardyń respıratorlyq vırýstar máselesi jónindegi pikirleri men qarapaıym áńgime kezinde vırýstyń aýada bolýy-bolmaýyna qatysty zertteý nátıjelerinen alynǵan jańa bilimniń arqasynda jazda jaǵdaı ózgerdi.
