Ǵalymdar koronavırýs ınfektsııasy aldynda osal qan tobyn anyqtady

NUR-SULTAN. QazAqparat - AQSh ǵalymdarynyń zertteýi boıynsha, ІІ qan tobynyń ıeleri koronavırýs ınfektsııasynyń aldynda osal keledi. Gavrard medıtsınalyq mektebiniń «Brıgem end ýımenz» klınıkasynda qyzmet etetin ǵalymdardyń bul qorytyndysymen Medical Xpress saıtynda tanysýǵa bolady.

Jasalǵan zertteý barysynda ІІ qan toby ıeleriniń aǵzasy týra maǵynasynda aýrýdyń qozdyrýshysyn tartatyny anyqtaldy. Bul respıratorlyq torlarda júzege asady. RBD koronavırýs aqýyzy (baılanystyrýshy domen-retseptor) osy qan tobynyń antıgenimen baılanysqa túsedi. Bul «qozdyrýshynyń» tynys alý organdarynda jaıǵasýyna sebepshi bolady.

Dárigerler RBD-diń erıtrotsıt jáne respıratorlyq torlarmen ózara árekettesýin taldaı otyryp, basqa qan toptarynyń mundaı vırýstyq shabýylǵa jaqsy qarsylasatynyn anyqtaǵan.

Degenmen, ǵalymdar koronavırýspen aýyratyn naýqastardyń aýrýynyń damýy olardyń qan tobyna baılanysty ekendigi týraly boljamdy áli kúnge deıin dáleldegen joq.