Ǵalymdar «qorqynyshty temperatýralyq rekordty» tirkedi
ASTANA. QazAqparat - 2016 jyldyń sáýir aıy atmosferanyń jaı-kúıine baqylaý jasaýdyń búkil tarıhynda eń ystyq boldy, dep málimdedi Áýe jáne ǵarysh keńistigin zertteý jónindegi ulttyq basqarmadan (NASA).
The Independent gazetine meteorolog Erık Holthaýs áńgimelep bergenindeı, temperatýranyń bulaısha ysýy qorqynyshty. Ǵalymdar bolashaqqa qandaı da bir boljam jasaýǵa tartynyp otyr. Alaıda mamandar bıylǵy jyly jańa temperatýralyq rekordtar bolatynyn joqqa shyǵarmaıdy.
Jalpy alǵanda 2016 jyl asa jyly bolyp tur, ǵalymdar sońǵy jarty jyldyń ishinde 1951-1980 jyldardaǵy ortasha kórsetkishten bir paıyzǵa aýytqý únemi bolyp turǵanyn tirkedi, dep jazady RG.
Mamandardyń aıtýynsha, mundaı úderister parnıktik gazdar shyǵarylýynyń joǵary bolýy men El-Nıno qubylysymen (nemese Ońtústik qubylýy) baılanystyrylýda, bul Tynyq muhıttiń ekvatorıaldyq bóligindegi sý beti temperatýrasynyń qubylýymen sıpattalady, ol klımatqa eleýli yqpal etedi.
Ǵalymdardyń boljamyna qaraǵanda, jahandyq jylyný áserinen klımattyq ózgerister saldarynan Arktıkadaǵy janýarlar men qustardyń shamamen 195 túrine (201 túrdiń) quryp ketý qaýpi tónip tur.
