Ǵalymdar kóp uıyqtaý júkti áıelder úshin qaterli ekenin aıtty
ASTANA. QazAqparat - AQSh-taǵy Mıchıgan ýnıversıtetiniń ǵalymdary táýligine toǵyz saǵattan astam uıqynyń júkti áıelderge qaterin zerttedi. Bul týraly EurekAlert basylymy habarlaıdy.
Zertteýge 600-den astam áıel qatysty. Olardyń 153-i júktiliktiń sońǵy aıynda túsik tastaǵan, al 480 áıel úshinshi trımestrde, keıbiri endi ǵana bosanǵan áıelder boldy.
Mamandar júkti áıeldiń túngi uıqysynyń jıi bólinýi ishtegi bala úshin qorǵanys mehanızmi mindetin atqaratynyn anyqtady. Toǵyz saǵattan asatyn úzilissiz uıqy túsik tastaýǵa nemese erte bosanýǵa sebep bolatyn kórinedi.
Ǵalymdardyń biri Lýıza O'Braıen munyń saldaryn tekserý qajettigin aıtady. Ázirge bir belgilisi, túnde jıi oıaný arterıaldyq qysymdy kóterip, vegetatıvtik júıke júıesin belsendi etedi.
