Ǵalymdar: Kóńili qalamaǵan jumys - adam úshin qaýipti
ASTANA. QazAqparat - Eger adam mansabyn jaqsy kórmeıtin jumysynan bastasa, bul adam aǵzasynda óshpeıtin daq qaldyrady, dep málimdedi Ogaıo ýnıversıtetiniń ǵalymdary.
Olar 25-39 jas aralyǵyndaǵy 6432 eriktini baqylaǵan. Atap aıtqanda, jumysyna rıza bolý deńgeıi 1-den 4-ke deıin baǵalandy.
Adamdardy alǵan ball boıynsha tórt topqa bóldi. Shamamen 45 paıyzy jumysyna turaqty rıza emes, al 23 paıyzynda qanaǵattaný deńgeıi mansaby qalyptasýyna qaraı tómendegen. Al 15 paıyzy turaqty rıza, 17 paıyzynyń jumysqa qatynasy jaqsarǵan.
Jumysqa qanaǵattanbaýdan kóbinese jan aýrýy paıda bolǵan.
Egde jasta uıqy qashý, kúızelis, ýaıymshyldyq júrek-qan tamyrlary dertterine, aýytqýlarǵa alyp keledi. Sondaı-aq jumysyn jaqsy kórmeıtinderde sýyq tııý, arqanyń aýyrýy kóbirek kezdesken, dep habarlady The Daily Mail.
