Ǵalymdar: kólik júrgizý qarttardyń densaýlyǵyna oń áser etedi
ASTANA. QazAqparat - Amerıkalyq ǵalymdar kólik aıdaýdyń qarttar saýlyǵyna oń áser etetinin anyqtady.
Kólik tizgindegen qarııalardyń aqyl-oıy bútin bolyp, este saqtaý jáne túısik qabiletterinde jastyń ulǵaıýyna baılanysty bolatyn keri ózgerister barysy baıaýlaıdy eken.
Ǵalymdar júrgizgen tájirıbege jasy 55-ten asqan júzge jýyq júrgizýshi qatysqan. Medıtsınalyq tekserýden keıin olardyń arasynda kúızeliske ushyraý jaǵdaılary men júıke júıesi aýrýlarynyń óte sırek kezdesetindigi anyqtaldy.
Júrgizýshi qarttar shuǵyl sheshimdi der kezinde qabyldap, mańyzdy usaq-túıekti nazardan tys qaldyrmaıtyn bolyp shyqty. Zertteýshilerdiń aıtýynsha, bul kólik aıdaý kezinde mıdyń túsinik úshin jaýap beretin bólikteri jumysynyń artýy arqasynda bolady, dep jazady planet-today.ru-ǵa siltememen 24.kz.
