Ǵalymdar: Kókónister men jemisterdi tutyný aryqtaýǵa kómektespeıdi
ASTANA. QazAqparat - Kókónister men jemister densaýlyqqa paıdaly bolǵanymen adamnyń salmaǵyn azaıtýyna kómektespeıtini málim boldy.
Aryqtaý men kókónisterdiń jáne jemisterdiń baılanysyn zerttegen Alabama shtaty ýnıversıtetiniń ǵalymdary osyndaı sheshimge keldi. Bul eńbek American Journal of Clinical Nutrition jýrnalynda jarııalandy.
Ádette artyq salmaqtan arylǵysy keletinderge jemister men kókónisterdi kóbirek paıdalanýǵa keńes beriledi. Dıetologtardyń usynýynsha, ol úshin kúnine 1,5 - 2 portsııa jemis pen 2-3 portsııa kókónis paıdalaný qajet.
Al Ketrın Kaızer bastaǵan top bul keńestiń qanshalyqty durys ekenin anyqtaý maqsatynda zertteý jumystaryn uıymdastyrdy. Oǵan shamamen 1200 adam qatysty. Nátıjesinde ol kókónister men jemisterdi kóbirek paıdalanýdyń adamnyń salmaǵyna esh áser etpeıtinin ańǵarǵan.
«Salmaqty túsirý úshin kalorııasy az taǵamdy paıdalaný qajet. Alaıda bizdiń zertteýimiz boıynsha kókónister men jemisterdi paıdalaný aryqtaýǵa kómektespeıdi. Aryqtaý úshin jalpy tutynatyn taǵamnyń mólsherin azaıtqan jón», - deıdi Kaızer.
