Ǵalymdar: Kók shaı er adamdardyń aqyl-oı qyzmetiniń belsendiligin arttyrady
ASTANA. 1 qazan. QazAqparat - Mr7.ru portaly kók shaı ishkennen er adamdardyń aqyl-oı qyzmetiniń belsendiligi artady dep jazady.
Nıderlandy ǵalymdary da osyndaı qorytyndyǵa keldi, dep habarlaıdy meddaily.ru saıtynan. Jáne de, ǵalymdardyń málimetteri boıynsha, yntalandyrýshynyń keri áseri joq. Gollandııa ǵalymdary júrgizgen synaqqa 44 adam óz erkimen qatysqan.
Synaq barysynda qatysýshylardyń jartysy bir kese kók shaı ishken. Sodan soń er adamdardyń zerektigin tekserý úshin tapsyrmalar berilgen. Olarmen jumys isteý kezinde bas mıynyń belsendiligi arnaıy quraldar kómegimen ólshendi. Zerteý barysynda anyqtalǵandaı, kók shaı ishken er adamdar aqparatty jaqsy qabyldap, este saqtaıtyn bolǵan.
Eýropada bir jyl buryn osyndaı synaq jasalǵan bolatyn. Óz erkimen qatysqan 12 adamdy eki topqa bólgen, olardyń biri tapsyrmalardy oryndaý aldynda kók shaı syǵyndysy bar sýsyn ishken. Nátıjesinde, taǵy da kók shaı er adamdardyń este saqtaý jáne qabyldaý qabiletin aıtarlyqtaı jaqsartady degen qorytyndy shyǵaryldy.
