Ǵalymdar: Kofeın er adamǵa áke atanýǵa kedergi keltirýi múmkin
ASTANA. QazAqparat - AQSh-taǵy Massachýsets gospıtaliniń zertteýine 105 er adam qatysty. Olardyń ómirlik serikteri ekstrakorporaldi uryqtandyrý kómegimen balaly bolýǵa ótinish bildirgen. Qatysýshylardyń ortasha jasy 37-ni quraǵan. Olar tamaqtaný, alkogol men kofeındi tutyný taqyrybyndaǵy saýalnamalarǵa jaýap berdi.
Syrany kóp mólsherde paıdalanatyn eriktilerdiń EKU kómegi arqyly áke ataný múmkigdikteri 57 paıyzdan joǵary bolyp shyqty.
Al kofeni tutyný kerisinshe, uryqtandyrý múmkindigin azaıtqan. Bir kese kofede shamamen 140 mıllıgramm kofeın bar. Balaly bolǵysy keletin er adamdardyń kofeındi az tutynǵandarynyń múmkindigi 52 paıyzdy quraǵan, al kóp tutynǵandardyń mundaı múmkindigi 19 paıyzdan aspaǵan.
Syra men kofeınniń nelikten balaly bolýǵa osyndaı áseri bar ekeni túsiniksiz. Alkogoldi tıisti mólsherde paıdalanatyn juptyń balaly bolýǵa paıdasy bolýy múmkin. Sebebi ol kúızelis deńgeıin tómendetedi.
