Ǵalymdar kofeden paıdalyraq ári sergitkish sýsyndardy anyqtady
ASTANA. QazAqparat - Ǵalymdar qoıý kofeden kem túspeıtin sergitkish sýsyndardyń tizimin jasady.
Birinshiden, ol jańa syǵylǵan anar shyryny. Ol tek sergektik úshin qoldanylmaıdy, sondaı-aq júrek úshin de paıdaly dep sanalady. Alaıda ony sý aralastyryp ishý kerek dep eskertedi ǵalymdar.
Ekinshi orynda - janjabil shaıy. Onyń zat almasýdy jyldamdatyp, qan aınalymyn retteıtin qasıeti bar. Janjábil sharshaý men enjarlyqty basady. Onyń tıimdiligin arttyrý úshin bal qosýǵa bolady, dep habarlady Myjane portaly.
Budan keıingi tizimde astyq sabaqtarynan alynǵan shyryn tur. Ol adamnyń nerv júıesine tamasha áser etip, aǵzany dárýmender jáne mıneraldarmen baıytady.
Kofeniń ornyn aýystyra alatyn taǵy bir sýsyn - lımon salynǵan shaı. Ol adamdy sergitip, kóńil-kúıin kóteredi.
Sergitetin sýsyndar tiziminiń sońynda jasyl shaı tur. Onyń quramyndaǵy kofeın aǵzaǵa baıaý, biraq tıimdi áser etedi.
