Ǵalymdar: kofe baýyrdy tsırrozdan saqtaıdy
ASTANA. QazAqparat - DDSU-nyń zertteýine qaraǵanda jer betindegi ólimniń 1,3 paıyzy baýyr tsırrozynan bolady eken. Sıngapýr ǵalymdary osy dertti azaıtýǵa qatysty tyń jańalyq tapty. Olardyń aıtýynsha, tabıǵı qara kofe baýyr tsırrozynyń aldyn alýǵa kómektesedi, dep jazady Rosbalt.
Zertteýshiler bul jańalyqty ashý úshin 15 jyl boıy jumys istegen. Osy aralyqta olar 45-74 jas aralyǵyndaǵy 63 myńnan astamdarǵa baqylaý júrgizdi. Adamdar mamandarǵa ózderiniń ómir saltyn, tamaqtaný tártibi men hal-jaǵdaıyn aıtyp otyrǵan. Aıta keterligi, osy zertteý kezinde jalpy qatysýshylardyń 24 paıyzy, ıaǵnı 14 928 adam qaza tapqan. Olardyń deni -baýyr tsırrozy dertine shaldyqqandar.
Eń batysy, qatysýshylar kún saıyn 2 nemese odan da kóp kese qara kofe ishken. Sonda kofeni múldem ishpeıtin adamdarǵa qaraǵanda, olarda baýyr tsırrozynan bolatyn ólim-jitim 66 paıyzǵa azaıǵan. Al jemis-jıdek shyryny men kók shaıdy kóp ishetin adamdarda mundaı kórsetkish baıqalmaǵan.
Ǵalymdar kofeniń baýyrǵa tıgizetin paıdasyn áli de zertteý túsý kerek dep otyr. Sondaı-aq olar kofeniń baýyr tsırrozyn týdyrany vırýstyq gepatıtke esh áser etpeıtinin senimdi túrde málimdedi.
