Ǵalymdar kıtterdiń maıshabaqtardy aýlaýdaǵy qupııasyn ashty
ASTANA. QazAqparat - Massachýsets tehnologııalyq ınstıtýtynyń ǵylymı qyzmetkerleri Soltústik-Shyǵys ýnıversıtetindegi áriptesteri jáne Norvegııadaǵy mamandarmen birlesip kıtterdiń maıshabaqtardy aýlaýǵa birigip, jaqsy uıymdasqan toppen shyǵatynyn anyqtady.
On jyl boıy ár kúzde mamandar maıshabaqtyń ýyldyryqtanýyna kelgen kıtterdiń shyǵarǵan dybystaryn kún saıyn zerttep otyrdy. Bul shara Soltústik Atlantıkadaǵy Massachýsets shtatynyń Keıp-Kod jaǵalaýynyń qasynda júz myń sharshy metr aýmaqta júrgizilgen, dep jazady planet-today.ru.
Professor Pýrnıma Ratılaldyń baıandaýynsha, «kıtter balyqty qorshap, odan keıin olardyń bireý maıshabaqtar tobyn toqtata alatyn kópirshik úrlep, bul rette ekinshisi balyqty bir topqa aıdaý maqsatymen qorqytý úshin qatty dybys shyǵarady. Úshinshi kıt tabylǵan azyqqa kirise berýge bolatyny týraly belgi beredi». Biraq ǵalymdar ázirge kıtterdiń ańshylyq jasaý úshin nege toptasatynyn túsine almaı júr.
