Ǵalymdar: Kitap oqý adam ómirin eki jylǵa uzartady
ASTANA. QazAqparat - Amerıkalyq ǵalymdardyń sońǵy zertteýi kitap oqý adam ómirin uzartatynyn kórsetti.
Ǵalymdar ádebıetke degen súıispenshilik adamnyń zııatkerlik deńgeıine oń áser etip qana qoımaı, onyń ómirin de uzartatynyn anyqtady.
Iel ýnıversıtetiniń qyzmetkerleri kóp jyldyq zertteý júrgizdi, nátıjesinde kóp oqıtyn adamdar kitap oqymaıtyndarǵa qaraǵanda, ortasha eki jyl artyq ómir súretinin kórsetken.
Eksperımentke shamamen 50 jas shamasyndaǵy 3500 adam qatysqan. Olar kitap oqýǵa ýaqyt bólýine qaraı úsh topqa bólindi.
12 jyl ishinde ǵalymdar olardyń densaýlyǵyn baqylady. Nátıjesinde, eksperıment sońynda kitapty súıip oqıtyndar arasynda ólim-jitim deńgeıi 23 paıyzǵa tómen bolyp shyqty.
Aıtqandaı, kitapty súıip oqıtyndar bilimi de, tabysy da joǵary áıelder qaýymy bolyp tabylady.
