Ǵalymdar kishkene balalar fast-fýd taǵamdaryn múlde jeýine bolmaıtynyn dáleldep shyqty
ASTANA. QazAqparat - Fast-fýd eshqashan paıdaly bolmaǵan, sondyqtan ony shamadan tys kóp tutyný emdelýi qıyn aýrýlarǵa soqtyrýy múmkin. Ǵalymdar balalardyń fast-fýdty kóp jeýi olardyń súıek tininiń damyp-jetilýin tejeıtinin anyqtady, dep jazady planet-today.ru.
Ulybrıtanııada júrgizilgen zertteý barysynda kishkentaı balalardyń taǵamnyń bul túrin múlde jeýine bolmaıtyny dáleldendi. Zertteýge myńnan asa kishkene bala qatysty. Fast-fýdty jıi tutynatyn balalar men ony az jeıtin nemese múlde jemeıtin balalardyń súıek tini salystyryldy, nátıjesinde sońǵylarynyń súıek tinindegi mıneraldy zattardyń tyǵyzdyǵy anaǵurlym joǵary ekeni anyqtaldy.
Súıek tini kenje jetilgen balalar saý balalarǵa qaraǵanda áldeqaıda áljýaz, tez sharshaǵysh keledi.
