Ǵalymdar keı adamdardyń ne sebepti aqsha jınaı almaıtynyn aıtyp berdi
ASTANA. QazAqparat - Ǵalymdar keı adamdardyń ne sebepti aqsha jınaı almaıtynyn aıtyp berdi, dep jazady Rosbalt.
Kolorado jáne Tehastyń A&M ýnıversıtetiniń ǵalymdary aqsha únemdep, jınaýǵa bel býǵan keı adamdardyń osy josparyn oryndaýǵa kelgendegi sátsizdigi olardyń oń nátıjeni asyra baǵalap, al teris nátıjege tıisti baǵa bermeýinde dep sanaıdy.
Mysaly, osy topqa jatatyn adamdardyń biri 10 myń dollar jınaýdy maqsat tutty delik. Keıin ol $100 únemdep, ony saqtap qoısa, oǵan bul isi biraz qarjy jınap alǵandaı kórinedi eken. Jáne de ol óz maqsatyna jetýge shaq qalǵandaı seziledi-mis. Al eger qajettilikten tys $100 jumsap jiberse, buny shyǵyn sanamaıtyn kórinedi. Sol sebepti, kózdegen qarjyny jınaý ol úshin ońaı soqpaıtyn kórinedi.
Ǵalymdar, minez-qulqy osyǵan uqsas tolyq adamdar aryqtaýǵa bel býsa da osyndaı kedergilerge tap bolady dep pikir bildirgen. Máselen, ol bir toqashty jemeı qoısa, úlken is tyndyrǵandaı, ózin kóp nárseden tyıǵandaı sezinedi. Al, kerisinshe bir toqashty artyq jep qoısa, bul úshin esh ýaıymdamaıtyn kórinedi.
