Ǵalymdar kesh tamaqtanýdyń qaýipti ekenin anyqtady
ASTANA. QazAqparat - Kesh tamaqtaný adamnyń bıologııalyq yrǵaǵynyń buzylýy saldarynan júrek-qan tamyrlary aýrýy men dıabetke ákelip soqtyrýy múmkin. Amerıka kardıologııalyq qaýymdastyǵynyń ǵalymdary osyndaı tujyrym jasaǵan. Sáıkes zertteý LiveScience portalynda jarııalandy, dep habarlaıdy QazAqparat.
Eksperıment 18-76 jas aralyǵyndaǵy 12,7 myń latynamerıkalyqqa júrgizilgen medıtsınalyq tekserý nátıjesine negizdelgen. Onyń barysynda dárigerler eki kún boıy olardyń densaýlyǵy men tamaqtaný ýaqytyn salystyrǵan.
Zertteýshiler eksperımentke qatysyp jatqandardyń basym bóliginiń 18.00-den keıin tamaqtanatyndyǵyn anyqtaǵan. Sonyń saldarynan olarda qant deńgeıi jáne qandaǵy ınsýlın joǵary bolǵan.
Kesh tamaqtanýdy unatatyndardyń 19% dıabetaldy jáne 23% gıpertonııa damýyna beıim.
Zertteýdiń avtory, postdoktorant Nýr Makaremniń pikirinshe, bul salaýatty emes ómir salty saldarynan adamnyń bıologııalyq yrǵaǵynyń buzylýymen túsindiriledi. Sonyń saldarynan zat almasý buzylyp, sozylmaly aýrýlar qaýpi joǵarylaıdy.
