Ǵalymdar: Qazaqstanda týberkýlezge qarsy tıimdi dári-dármek jasaldy
ASTANA. QazAqparat - Qazaqstan ǵalymdary týberkýlezge qarsy tıimdi dári-dármekti jasap shyqty. Bul týraly búgin Ortalyq kommýnıkatsııalar qyzmetindegi brıfıngte jobanyń ǵylymı jetekshisi Murat Qulmanov málim etti.
«Biz klınıkalyq zertteýlerdi aıaqtaý kezeńindemiz, ıaǵnı álemdik standarttar boıynsha klınıkalyq synaqtyń eki kezeńin ótkizdik. Qazirgi kezde klınıkalyq synaqtyń úshinshi kezeńine kirisýdemiz. Osyny aıaqtaǵannan keıin, preparattyń naryqqa shyǵatyndyǵy jaıynda aıtýǵa bolady»,- dedi M. Qulmanov. Onyń sózine qaraǵanda, atalǵan preparat dárilik quramy jaǵynan týberkýlezge qarsy tıimdiligin baıqatyp otyr. Máselen, osy dári-dármek arqyly em-dom qabyldaǵandar statsıonardan eki ese jyldam shyǵady. Eger qazirgi qoldanystaǵy ádistermen emdeý sharalaryna 6-8 aı ýaqyt jumsalsa, al jańa preparatty qabyldaǵandar 2-3 aıdyń ishinde saýyǵatyn kórinedi. «Sońǵy 50 jylda týberkýlezge qarsy preparattar múldem ázirlenbegen», - dedi ol.
