Ǵalymdar qaterli isikten qorǵaıtyn taǵamdy anyqtady
ASTANA. 27 qańtar. QazAqparat - Ǵalymdar ketchýptiń adam aǵzasyn qaterli isikten saqtaıtyny týraly málimdedi, dep habarlaıdy ITAR-TASS.
Mamandardyń aıtýynsha, qyzanaqqa qyzyl tús beretin lıkopın pıgmentiniń qaterli isikke qarsy turatyn qasıeti bar. Tyshqandarǵa jasalǵan ǵylymı tájirıbe qyzanaq shyrynymen qorektengenderiniń qaterli isikpen aýyrý qaýpi tómendegenin kórsetti.
Osy oraıda, ǵalymdar as mázirine qyzanaq pen tomat shyrynyn kóptep qosýǵa keńes beredi. Buǵan qosa, kartofel nemese makaron ónimderine ketchýpti qosa paıdalanǵan jón dep otyr.
