Ǵalymdar: kartop júkti kezde sýsamyr qaýpin arttyrady
ASTANA. QazAqparat - Amerıkalyq Merılend shtatyndaǵy Ulttyq densaýlyq ınstıtýtynyń ǵalymdary júkti áıeldiń ratsıonynda kartoptyń bolýy qant dıabetiniń (sýsamyr) týyndaý qaýpin arttyratynyn anyqtady.
Ǵalymdar 21 myń júktilik tarıhyn zerdelep, aptasyna bes ret nemese odan kóp kartop qosylǵan taǵam tutynatyn áıelderde basqalaryna qaraǵanda sýsamyr dıagnozy bir jarym ese kóp anyqtaǵan.
Ǵalymdar oǵan sebep kartop quramyndaǵy krahmal dep sanaıdy. Zertteýshilerdiń pikirinshe, krahmal qandaǵy qant quramyn kúrt kóterip jiberedi eken.
Júktilik sýsamyry - áıelderde júktilik kezde paıda bolatyn qant sýsamyrynyń túri. Kóbinese bala týǵannan keıin joq bolyp ketedi. Ondaı kezde qandaǵy qant tamaq ishkennen keıin kóteriledi.
Medıkterdiń aıtýynsha, mundaı sýsamyr eki-úsh paıyz júkti áıelderde baıqalady. Bosanǵannan keıin jaǵdaı turaqtalǵanyna qaramastan, sýsamyr balanyń densaýlyǵyna keri áser etýi múmkin.
