Ǵalymdar qartaıýǵa qarsy em tapty
ASTANA. 30 jeltoqsan. QazAqparat - Ǵalymdar qartaıý sebepterin anyqtap, onymen kúresý jolyn tapty.
Ǵasyrlar boıy adam balasy armandaǵan bul dárini zerthanalyq jaǵdaıda tyshqandarǵa berip úlgeripti. Zertteýler Sıdneıdegi Jańa Ońtústik Ýels Ýnıversıteti men Garvard ýnıversıtetinde júrgizilgen, dep habarlaıdy Rosbalt.
«Sarapshylar kemirgishterdiń aǵzasyndaǵy jasýshanyń ýaqyt óte kele energııa óndirý qabiletin joǵaltatynyn baıqaǵan. «Eki jastaǵy» tyshqandarǵa NMN preparatyn bergennen keıin, olardyń bulshyqetteri týǵanyna jarty jyl bolǵan tyshqandarmen birdeı bolǵan. Jańa preparat adamdarǵa densaýlyǵyn jáne jastyǵyn uzaq saqtap turýǵa kómektesedi ári qaterli isik, sýsamyr (qant dıabeti) sekildi adam aǵzasynyń qartaıýymen baılanysty aýrýlardyń aldyn alýǵa múmkindik beredi», - dep habarlaıdy GlobalScience .
