Ǵalymdar: qarbyz qan qysymyn tómendetedi
ASTANA. QazAqparat - Qarbyz semiz adamdardyń qan qysymyn tómendetip, júrek talmasynyń aldyn alýǵa septigin tıgizedi. Bul tujyrymdy amerıkalyq ǵalymdar jasap otyr, dep jazady meddaily.
Florıda ýnıversıtetiniń professory Artýr Fıgeronyń aıtýynsha, qarbyz syǵyndysyn paıdalanǵannan keıin adamnyń qan qysymy tómendeıdi. Ol qarbyzdyń syǵyndysyn dene bitimi tolyq 13 adamǵa berip, 12 apta boıy baqylaǵan. Olardyń barlyǵy gıpertonııa dertine shaldyqqandar. Zertteýge qatysqan adamdar qoldaryn sýyq sýǵa salyp, aýa temperatýrasynyń tómendeýin qoldan jasaǵan. Sondaı-aq olarǵa kún saıyn 50 paıyzdan qarbyz syǵyndysyn berip otyrǵan.
Ǵalymdar 12 apta boıy qatysýshylardyń jaǵdaıyn baqylaı kele, qarbyz júrekke túsetin salmaqty azaıtqanyn anyqtady.
