Ǵalymdar qarańǵyda sáýle shashatyn tasbaqa túrin tapty
ASTANA. QazAqparat - Tynyq muhıtyndaǵy Solomon araldarynyń qasynda alǵash ret sáýle shashatyn reptılııa tabyldy. Ol joǵalýǵa jaqyn qalǵan bıssa tasbaqasy bolyp shyqty, dep jazady epochtimes.ru.
Bıssanyń bul erekshe qasıetin sýasty beınetúsirilim jasaǵan bıolog Devıd Grýber anyqtaǵan. Túngi júzýi kezinde ǵalym sáýle shashqan tasbaqany kórip, ony «kóptegen jasyl jáne qyzyl tústi jaryqtary bar ózge ǵalamshardan kelgen ǵarysh kemesimen» salystyrǵan. Ol reptılııany taspasyna túsirip úlgerdi.
Ǵalymdar tasbaqanyń nelikten qarańǵyda sáýlelenetinin anyqtaǵan joq. Múmkin, ol sol arqyly azyq izdep nemese jaýlarynan qorǵanatvn bolar.
Tasbaqalardyń bul túrin zertteý óte qıyn, sebebi olar joıylýǵa jaqyn. Sońǵy birneshe onjyldyqtyń ishinde bıssa tasbaqalarynyń sany 90 paıyzǵa kemigen.
