Ǵalymdar kareradaǵy sáttilikti nekemen baılanystyrady
ASTANA. QazAqparat - Sent-Lýıstegi Vashıngton Ýnıversıtetiniń ǵalymdary júrgizgen zertteýi 5 jylǵa sozyldy. Nátıjesi Psychological Science jornalynda jarııalanady.
Zertteý nazaryna neke qıǵan 5 myńnan astam adam ilikti. Olardyń jastary 19 - 89 jas arasynda boldy. 75 paıyz jaǵdaıda erli-zaıyptylardyń ekeýi de jumys istegen. Tájirıbege qatysýshylar birneshe psıhologııalyq testten ótti.
Doktor Djoshýa Djekson (Joshua Jackson) men onyń kómekshisi Brıttanı Solomon (Brittany Solomon) adamdardyń jalpy qasıetterin saraptady.
Zertteý kórsetkendeı, jumysy ońǵa basqandardyń joldasynda adaldyq qasıeti joǵary bolǵan.
Zertteýshiler adaldyq qasıet kúıeýiniń ne áıeliniń jemisti jumys jasaýyna kómektesetinine kóz jetkizdi. Birinshiden qyzmetker turmystyq isti joldasyna senimmen tapsyra alady. Sonymen birge ekinshi jartysynyń jaǵymdy qasıetterinan úlgi alady. Qyzmetkerdiń jary ne kúıeýi jaǵymdy qasıetterge ıe bolsa, jumysta kúızelgen ol januıasynda qalypqa kelip, kúızelisten arylady.
