Ǵalymdar qant dıabetiniń aldyn alýdyń taǵy bir qarapaıym jolyn kórsetti
ASTANA. QazAqparat - AQSh ǵalymdary 30 jyl baqylaǵan arnaıy zertteý jumysyna 50 myńnan astam áıel men 41 myńǵa jýyq er adamdy qatystyrdy. Ǵylymı jobanyń bir mańyzdy bóligi retinde ásirese, olardyń qandaı taǵam tutynatyny jáne qaıdan tamaqtanatyny basty nazarda boldy, dep jazady meddaily.ru
Zertteý nátıjesi kórsetkendeı, úıde jasalǵan taǵamdy paıdalanǵandar ózgelerge qaraǵanda 2-shi deńgeıdegi qant dıabetiniń damýyn 13 paıyzǵa tómendete alady eken. Buǵan qosa, úıde daıyndalǵan asty paıdalanatyndar tátti, gazdalǵan sýsyndy ózgelerden azyraq ishetin bolyp shyqty. Osyǵan deıin birqatar zertteý jumystarynda quramynda qanty kóp gazdalǵan sýsyndardy paıdalaný - artyq salmaq, júrek-qan tamyr aýrýlary, obyrdyń keı túri men 2-shi deńgeıli qant dıabetine tikeleı áser etetini anyqtalǵan. Ǵylymı jumys qorytyndysynda kórestkendeı, qant dıabeti qaýpin azaıtý úshin adamdar úıden tamaqtanyp, gazdalǵan, tátti sýsyndardan múmkindigi kelgenshe bas tartýy qajet.
