Ǵalymdar qandaı taǵamdardyń paıdalyraq ekenin anyqtady
ASTANA. QazAqparat - Nıýkasl ýnıversıtetiniń mamandary organıkalyq azyq-túlik taǵamdarynyń (tabıǵı jolmen óndirilgen) paıdalylyǵyna qatysty daý-damaılarǵa núkte qoıdy, dep habarlady Meddaily.ru.
Brıtandyq ǵalymdardyń qorytyndysy boıynsha, ádettegi ádispen óndirilgen azyq-túlikpen salystyrǵanda organıkalyq taǵamdardyń quramynda antıoksıdanttar men ózge de paıdaly qosylystar 19-69% kóbirek bolady eken. Sondaı-aq organıkalyq taǵamdarda toksındy metalldar men pestıtsıdter mólsheri 4 esege kem. Alaıda bul taǵamdardyń kemshilikteri de bar, sonyń ishinde, aqýyzdyń az bolýy olardy paıdalanýdy shekteıdi. Osyǵan deıin Stenford ýnıversıtetiniń mamandary organıkalyq taǵamdar jetkilikti paıdaly emes degen edi. Nárlilik kórsetkishterinen basqa, ǵalymdardy jemisterde, kókónisterde, dándi daqyldarda, et, sút ónimderi men jumyrtqalarda bakterııalar men sańyraýqulaqtardyń bolýy-bolmaýy qyzyqtyrdy. Máselen, organıkalyq jáne qarapaıym sútte maıdyń mólsheri birdeı bolǵan. Biraq organıkany jaqtaýshylar alǵashqysynda omega-3 kóbirek bolatynyn aıtady. Zertteýshiler organıkalyq taǵamdarda azottyń kóbirek ekenin ańǵardy.
