Ǵalymdar qandaı adamdardyń jol apatyna jıi ushyraıtynyn aıtty
ASTANA. QazAqparat - Qytaı ǵylym akademııasyndaǵy Psıhologııa ınstıtýtynyń ǵalymdary pessımıst adamdardyń kólikti júrgizgen kezde jol apattaryna optımıstterge qaraǵanda jıi ushyrap jatatyny týraly qyzyqty jańalyq ashty.
Tájirıbege kólik júrgizý quqyǵyn úsh jyldan astam ýaqyt buryn alǵan 38 júrgizýshi qatysty.
Júrgizýshiler kólikti júrgizý kezinde alǵan aıyppul baldarynyń sany boıynsha eki topqa bólindi. Qytaıda árbir júrgizýshige jyl basynda 12 ball eseptelip, keıinnen erejeni árbir buzǵany úshin alynady.
Birinshi topta zertteý kezinde alty jáne odan da kóp baldan aıyrylǵan júrgizýshiler, al ekinshisinde - úsh jáne odan da az baldan aıyrylǵan júrgizýshiler boldy.
«Qaýipsiz» jáne «qaýipti» júrgizýshilerdi birneshe suraqqa jaýap berýin surady. Suraqtardyń arasynda qaýipsizdik belbeýin únemi taǵyp júretindigi jáne baǵdarshamnyń qyzyl shamynan qanshalyqty jıi ótip ketetindigi, t.b. boldy.
Odan keıin tájirıbeniń barlyq qatysýshylaryna túrli fotosýretterdi kórsetip, olardyń túsin tez ataýdy surady.
Nátıjesinde, «qaýipti» sanalatyn júrgizýshilerden sýertterdiń túsin anyqtaý kezinde baıaý reaktsııa baıqalǵan.
Osylaısha, mamandardyń aıtýynsha, pessımıst adamdar jol apatyna sebep bolýy múmkin jaıttarǵa baıaý kóńil bóledi, dep jazady sheteldik BAQ.
