Ǵalymdar kalmarlardyń ushýǵa beıimdiligin dáleldedi
ASTANA. 10 aqpan. QazAqparat - Hokkaıdo ýnıversıtetiniń zertteýshiler toby kalmarlardyń usha alatynyn málimdep, aıǵaq dálelder retinde birneshe fotosýretti usyndy.
Sýretterde birneshe basaıaqty ulýdyń bir túriniń aýada qalyqtap júrgeni beınelengen.
Zertteýshilerdiń aıtýynsha, sýdan sekirý úshin kalmarlar mantııalyq qýystaryna sý toltyryp, sodan keıin jyldamdyqty alý úshin ony laqtyryp tastaıdy, bul rette olardyń jyldamdyǵy 11,2 m/s deıin barady - bul Olımpıada chempıony Ýseın Bolttan da tezirek. Japondyq mamandar kalmar bir sekirgende 30 metrge deıingi qashyqtyqty eńsere alatynyn anyqtady.
Olar ózderin ushyp júrgen kalmarlardy sýretke túsirgen alǵashqy zertteýshiler ekendikterin aıtýda. Al bulardyń «Ushatyn muhıttyq kalmarlar» atty dıssertatsııasy ótken seısenbi kúni nemisterdiń ǵylymı jýrnalynda jarııalandy.
