Ǵalymdar ıtterdiń mysyqtardan ereksheligin dáleldedi
ASTANA. Jeltoqsannyń 15-si. QazAqparat - Itter mysyqtarǵa qaraǵanda súıkimdi úı janýarlary bolyp tabylady,
dep habarlaıdy QazAqparat The Daily Telegraph saıtyna silteme jasap.
Itter men mysyqtardy 11 talap turǵysynan salystyrǵan zertteýshiler osyndaı baılam jasady.
Itterdiń keltiretin paıdasy kóp ekeni daýsyz - buıryqtardy jaqsy túsinedi jáne aǵymdaǵy mindetterdi oıdaǵydaı sheshe alady. Olar ıelerine barynsha baýyr basqan. Zertteýshiler muny ıtterdiń mysyqtarǵa qaraǵanda toptasyp ómir súrýge umtylatyndyǵymen túsindiredi.
Mysyqtar táýelsiz ómir súrgendi qalaıdy jáne aıryqsha kútip-baptaǵandy qajet etpeıdi. Solaı bolǵanymen, mysyqtardyń ıntellektýaldyq qabiletteri joǵary. Onyń ústine, mysyqtar ıtterge qaraǵanda tamaqty az jeıdi, olardyń bul qasıetteri ekologııalyq turǵydan kókeıge qonymdy.
Mysyqtar álemdegi eń súıkimdi janýarlardan bolyp otyr. Mysyqtardy barynsha jaqsy kóretin 10 elde 204 mıllıon mysyq ómir súredi, al adamnyń tórt aıaqty dostary keń taralǵan 10 elde nebári 173 mıllıon ıt ustalady.
