Ǵalymdar ıneniń ushyna ornalastyrýǵa bolatyn medıtsına kamerasyn jasady
ASTANA. QazAqparat - Germanııadaǵy Shtýtgart ýnıversıtetiniń zertteýshileri 3D baspa tehnologııasynyń kómegimen kólemi ıneniń ushyndaı ǵana jańa medıtsınalyq kamera jasady. Bul týraly naked-science.ru habarlady.
Adam denesiniń ishki beınesin alý - óte kúrdeli jumys. Osy máseleni sheshý úshin zertteýshiler tuzdyń kishkene dánindeı kúrdeli lınza júıesin oılap tapty, onyń kishkentaılyǵy sondaı medıtsınalyq ıneniń ishine ornalastyrýǵa bolady. Bul qural medıtsınadaǵy jańalyq qana emes, aldaǵy ýaqytta smartfon, dron sekildi basqa da apparattarǵa óte kishkentaı kameralar jasaýǵa múmkindik beredi.
Ǵalymdar úsh obektıvten turatyn kamerany 3D baspa tehnologııasynyń kómegimen jasady. Olardyń aıtýynsha, osyndaı ádispen 10 mıkrometrge deıingi dáldikpen optıkalyq lınza júıesin ázirlep shyǵýǵa bolady.
