Ǵalymdar halal ónimniń densaýlyqqa paıdasyn zerttep jatyr
ASTANA. 22 shilde. QazAqparat - Dıetologtar men gıgıena mamandarynyń kóńilinen shyǵatyn halal et ónimderi búgingi tańda eń kóp tutynylatyn azyq retinde belgili. Sońǵy zertteý nátıjelerinen belgili bolǵandaı, maldy sharıǵat talaptaryna saı soıý tutynýshylardy túrli keselderden saqtaıdy. Bul týraly muslim.kz saıty jazady.
Ǵalymdardyń ózi sharıǵat talabymen mal soıýdyń densaýlyqqa jaǵymdy áseri bolatynyn alǵa tartady. «Maldy sharıǵat talabyna saı soıýdyń óz erejesi bar. Aldymen júzi lypyp turǵan ótkir kezdikpen maldyń tamaǵynan oryp jiberý kerek. Onyń kúre tamyrynyń qıylǵanyna nazar aýdarý qajet. Sonda ǵana aýrý týdyratyn mıkrobtardyń kózi joıylyp, maldyń qany tolyq aǵyp bitedi», - dedi Mekke qalasyndaǵy Ýmm ál-Qura ýnıversıtetinde juqpaly aýrýlardyń mamany Huseın Ábdi ál-Raqym.
