Ǵalymdar: Ǵalamdyq jylymyqtyń áli de aldyn alýǵa bolady
ASTANA. QazAqparat - Parnıkti gazdar emıssııasynyń arta túsýine qaramastan Jerdegi jahandyq jylyný úderisin baqylaýǵa alýdyń áli de bolsa múmkinshiligi bar. Bul jaıynda Berlınde tanystyrylǵan Klımattyń ózgerýi jónindegi úkimetaralyq sarapshylar tobynyń baıandamasynda aıtylǵan, dep habarlady sheteldik BAQ.
Mamandar barynsha shuǵyl túrde gaz, munaı jáne kómirdi óndirý jáne jaǵý salasynan ınvestıtsııany balama energııa kózderin damytýǵa baǵyttaý qajettigine keńes berýde. Sarapshylar tobynyń baǵalaýynsha, ekonomıkalyq ósim jylyna 1,6-dan 3 paıyzǵa deıin quraǵan kezde teris áser nebári shamamen 0,06 paıyzdy quraıtyn bolady. Sarapshylardyń málimetterine qaraǵanda, 2000 jáne 2010 jyldary aralyǵynda sońǵy 30 jyl ishindegi atmosferaǵa parnıkti gazdar shyǵaryndylarynyń meıilinshe óskendigi baıqalady. Eger memleketter qorshaǵan ortany qorǵaý problemasyna jumyla kirispese, onda 2100 jylǵa qaraı ǵalamshardaǵy aýa temperatýrasy 3,7-4,8 gradýsqa kóterilýi múmkin. «Mundaı jaǵdaıǵa jol bermeý úshin álemdik qaýymdastyq osy ǵasyrdyń ortasyna qaraı parnıkti gazdar shyǵaryndylaryn 40-70 paıyzǵa deıin qysqartýy qajet», - delingen baıandamada.
